18 diciembre 2019
02 diciembre 2019
Construímos letras
O pasado venres, na aula de 3 anos, tocoulle o turno a Hugo de ser maquinista, e sempre buscamos no libro de "Juego de letras" a súa inicial.
E se probamos nós? Escollemos parexa e intentamos coordinarnos para facer o H.
E se probamos nós? Escollemos parexa e intentamos coordinarnos para facer o H.
29 noviembre 2019
MOCHILAS VIAXEIRAS
Esta semana comezamos coa actividade das Mochilas Viaxeiras. Desde agora, o alumnado irá levando a mochila á casa, cunha selección de libros e material pensada para cada unha das aulas. Nas imaxes que seguen podedes ver que leva a mochila de 4º de Educación Primaria.
22 noviembre 2019
DEPORTISTAS PARA UN MUNDO MELLOR
Xa temos os fondos bibliográficos para traballar o noso proxecto "Deportistas para un mundo mellor". Tamén comezamos co decorado de diferentes lugares do colexio, e estamos a traballar sobre a liña cronolóxica do tempo sobre a que imos representar as sucesivas olimpíadas, actividade na que participan todos as aulas do colexio.
08 noviembre 2019
06 noviembre 2019
Samaín 2019
O pasado mércores 30 celebramos no noso colexio o Samaín.
Previamente, días antes estivemos a decorar o centro, os corredores e, sobre
todo, a entrada aos dous edificios, un traballo conxunto pero no que Carmiña, a
nosa conserxe, traballou arreo. Durante esa semana, as alumnas e os alumnos que
quixeron foron traendo cabazas decoradas das súas casas, coas que se fixo unha
exposición, como ven sendo habitual en cursos pasados. Tamén houbo unha exposición
de libros propios desta data. Finalmente, o alumnado de 6º de Educación Primaria
foron visitando ás demais aulas, con disfraces propios da celebración e
repartindo agasallos. Foi moi divertido. Nestas imaxes podedes ver algún detalles
desta celebración.
28 octubre 2019
Lecturas para o Samaín e o Halloween
No corredor inferior do edificio sur do noso colexio, a carón da biblioteca podedes ver unha exposición de libros relacionados co Samaín e o Halloween. Podedes ir botarlles unha ollada, son terroríficos!!
21 octubre 2019
24 septiembre 2019
Benvidas e benvidos ao novo curso 2019-2020!!
Vimos de comezar un novo curso e xa estamos a traballar e a argallar unha chea de actividades para levar a cabo ao longo del. Primeiro lembrarvos que o colexio segue a desenvolver o PLAMBE de mellora de bibliotecas escolares, que implica que todo o centro traballa arredor dun proxecto proposto e elaborado pola nosa biblioteca. Neste curso o proxecto leva por título "Deportistas para un mundo mellor". Con este proxecto imos traballar sobre os deportes e os xogos olímpicos e paralímpicos, levando a cabo moitas e diferentes actividades e propostas. Imos coñecer diferentes deportes, clubes deportivos e organizacións que desenvolven a súa labor preto de nós, traballaremos sobre os valores que fomenta a actividade deportiva (compañeirismo, esforzo, superación...), tamén participaremos en actividades deportivas e eventos deportivos solidarios, coñeceremos a historia das Olimpíadas e de moitos deportes... Imos aprender moito!!
Do mesmo xeito, seguiremos levando a cabo actividades e traballos tamén moi importantes como a mochila viaxeira, participaremos nas campañas de animación á lectura que nos propoña o noso concello e outros organismos, lavaremos a cabo a xornada de madriñas e padriños lectores, faremos recomendacións lectoras para todas as alumnas e todos os alumnos...
Como vedes, este curso ven cheo de propostas moi interesante! Imos aló!
Aquí podedes ver o boletín que se vos fará chegar sobre o funcionamento da biblioteca.
Outra actividade que tamén xa vos podemos dicir é que o vindeiro 25 de outubro, venres, participaremos correndo na V Vuelta al Cole contra a leucemia infantil, como fixemos no curso pasado. Este acontecemento está organizado pola Fundación Unoentrecienmil, unha ONG española comprometida a dedicar todos os beneficios das súas actividades a un proxecto de investigación contra a Leucemia Infantil, unha enfermidade que supón o 30% do cancro infantil, con máis de 300 casos diagnosticados ao ano en España.
Animámosvos a todas e a todos a participar neste evento solidario, cantas máis persoas sexamos máis axudaremos nesta importante investigación.
Se queredes ter máis información sobre a organización e o evento, podedes premer nos diferentes enlaces deste texto. Nós, por outra parte, irémosvos informando da organización e posta en marcha desta actividade no noso colexio.
04 junio 2019
23 mayo 2019
Títeres no Xixirei
A semana pasada visitou o noso colexio Celtia, cos seus monicreques. Contounos tres contos escritos por ela e recollidos no libro disco "Cantamos" de Luis Vallecillo. E coma todas as visitas que veñen ao noso colexio, levou un agasallo, desta volta un Ginkgo biloba. Grazas por vir Celtia!
Se queres ver máis imaxes preme neste enlace.
Se queres ver máis imaxes preme neste enlace.
Actividades do Día das Letras Galegas 2019
No noso colexio conmemorados o Día das Letras Galegas cunha actividade na que, por equipos, había que ir superando probas, deseñadas e organizadas polo alumnado de 6º de Educación Primaria para ir conseguindo pezas dun squebracabezas relacionados con Antonio Fraguas, a persoa á quen se lle dedica o Día neste ano. Se queredes ver a nova e máis imaxes desta xornada, podede ir ver o blog o Equipo de Dinamización da Lingua Galega.
09 mayo 2019
06 mayo 2019
Novas do encontro con María Canosa
O xoves 23 de abril
estivo no noso colexio a escritora María Canosa, que escribiu o libro “Muriel” e tamén “Rubicundo”, que limos no colexio neste último trimestre. Falou
sobre un montón de cousas e, sobre todo, explicounos moitos detalles dun dos
libros que limos na clase este curso, “Muriel”.
Contounos que lle custou moitísimo encontrar o nome do protagonista e que ao
final decidiuse por Muriel. Este
libro gustou moito ás alumnas e os alumnos de 5º de Educación Primaria.
Contounos que ás veces no libro non poñía cousas que nós podíamos deducir, como
cantos anos tiña Rubicundo, ou que pasara coa avoa de Muriel.
Explicounos que é
o que significaba no seu pobo a palabra pedro. Sabedes que significaba? É un
raposo!. A palabra non aparece no dicionario da Real Academia Galega, nin en
ningún outro con ese significado.
María Canosa
conseguiu o Premio Merlín con esta
obra, con moito esforzo e sen renderse, porque se presentou a este premio catro
veces. Na cuarta ocasión xa non tiña esperanza de recibilo, ata que un día,
tempo despois de terse presentado, chamárona para informala de que llo tiñan
concedido. Cando soubo que era a gañadora non podía parar de chorar. A súa
familia ao vela non entendían nada e non sabían que estaba a pasar ata que por
fin dixo: “Merlín!”. A súa nai, que
tamén é escritora deuse de conta enseguida:
-Gañou o premio
Merlín!
Cando nos contou
isto, María Canosa emocionouse.
O libro “Rubicundo” lérono en... En 5º non o
lemos, pero polo que nos falou del tiña moi boa pinta!
Texto elaborado por Sara Domínguez, Miriam Rodríguez e
Sara Rodríguez, da aula de 5º de Educación Primaria.
30 abril 2019
Encontro con María Canosa
Este xoves pasado recibimos a visita da escritora María Canosa, que estivo a falar coas alumnas e alumnos desde 3º de Educación Primaria. Falou moito sobre o traballo literario, especialmente da escrita de novelas e de como ela leva a cabo este proceso. Ademais, transmitiulles valores moi importantes para a vida, como o de esforzarse por conseguir os nosos soños. De todo isto ímosvos falar na próxima publicación deste blog. So dicirllos que as rapazas e os rapaces pasárono moi ben e aprenderon moitas cousas!
26 abril 2019
Sesión de contacontos
Este pasado martes as alumnas e os alumnos de Educación Infantil nunha primeira quenda, e o alumnado de 1º e 2º de Educación Primaria despois, asistiron ao Centro Abanca Obra Social da Praza de Cervantes en Santiago a unha sesión de contacontos, na marco da XIX Campaña Municipal de Animación á Lectura, organizada polo Departamento de Educación e Cidadanía do Concello de Santiago e pola Editorial Kalandraka.
Ademais, puideron ver a exposición de ilustracións sobre diferentes contos editados por Kalandraka.
Alí Sara e Alex contáronlles os contos Cándido e os demais, A viaxe de Olaf, Mamá, Despois da chuvia, Dez dedos nas mans e dez dedas nos pés, e Quen é ese becho?
12 abril 2019
Elas. Rompendo moldes no deporte.
Este
luns estivo con nós Ana, nai dun alumno de Educación Infantil. Ana é unha
atleta que foi campioa de Galicia en 400 e 800 metros e, ademais, ostenta o récord
galego de 400 metros valos na actualidade, que conseguiu no Campionato de
España de 1999, en Sevilla.
Ana
estivo a falar da súa experiencia coas alumnas e os alumnos de 4º, 5º e 6º de
Educación Primaria, na Biblioteca do colexio. Faloulles das súas vivencias deportivas, da importancia que ten o esforzo e a constancia para acadar os
propios obxectivos, da experiencia como muller deportista nunha sociedade que
consideraba a práctica de certos deportes como “cousa de homes”, ou das
aprendizaxes vitais que lle aportou o deporte, entre outras, contando moitas
anécdotas e vivencias. Tamén vimos algúns vídeos sobre atletismo, un deporte
que non é tan coñecido como outros, pero no que a superación persoal é
fundamental.
Esta
actividade engróbase no proxecto de Biblioteca que estamos a desenvolver
durante este curso, baixo o título “Elas. Rompendo moldes”.
26 marzo 2019
Seguimos traballando en "Elas, rompendo moldes"
Velaquí tedes máis mulleres que destacaron nos seus respectivos eidos de actividade. A todas estas mulleres, xunto coas que vos presentáramos hai uns días, se lles adicou no seu momento unha rúa do noso concello, e están presentes, pois, no noso rueiro.
|
|
|
|
|
|
25 marzo 2019
Día da Poesía
O xoves pasado no colexio celebramos o Día da Poesía
dándolle a benvida a primavera con poemas. Varias aulas leron, recitaron e
cantaron poemas sobre a primavera. Ademais, celebramos o Día Internacional dos
Bosques falando da importancia das árbores na vida sobre o noso planeta. E, xa
estamos a vivir a nova primavera, benvida primavera!!
11 marzo 2019
Investigamos sobre mulleres
Durante este curso, como sabedes, no noso colexio estamos a traballar nun proxecto que baixo o título "ELAS: rompendo moldes", co que pretendemos dar a coñecer e descubrir o papel fundamental que tiveron as mulleres ao longo da historia en todos os eidos do coñecemento. Tentamos con estas actividades facer visible o traballo das mulleres ao longo da historia, na maioría dos casos descoñecido e en non poucas ocasións ocultados. Neste mes, ademais, comemórase o 8 de marzo o Día Internacional da Muller, unha xornada para reivindicar a igualdade e facer balance sobre a situación das mulleres na sociedade,
Nestas imaxes presentámosvos unhas imaxes dun traballo que están a desenvolver as alumnas e os alumnos de Educación Primaria sobre diferentes mulleres que sobresaíron en diversos ámbitos do coñecemento.
|
|
|
|
|
|
|
|
|
|
Suscribirse a:
Entradas (Atom)