Máis do mundo do cine

Non perdades as seguintes recomendacións de filmes de animacións, dispoñibles para préstamo na nosa biblioteca:  

"Como entrenar ao teu dragón", EEUU 2010

- Película de aventuras non musical. 

- Destaca pola historia que conta, orixinal e moi emocionante. 

- Pódese facer unha lectura de respecto polos demais, polos que son distintos e nós. Un esforzo á hora de comunicarnos. 

"Ratatouille", EEUU 2007. 

- Unha historia orixinalísima e divertida. 

- Parécenos a mellor película de Pixar. 

- Inclúe unha curta que tamén paga moito a pena ver. 

"O emperador e as súas loucuras", EEUU 2000

- Unha das películas máis locas e graciosas de Disney. Moi divertida. 

- Ten partes musicais. 

- Os personaxes malos son moi atípicos e cóllelles cariño. 

Corre, corre, cabaciña!

 O equipo de voluntariado da biblioteca realizou unha teatralización do conto Corre Corre Cabaciña, para o resto do centro. Aquí tedes pequenos anacos da súa estrea: 

Biblioteca para familias!

 

Coloquio na aula de cuarto: A nena invisible

Este pasado trimestre, a clase de cuarto de primaria liu conxuntamente o libro  A nena invisible, escrito por Puño e ilustrado por Marta Altés. Encantoulles tanto a lectura que posteriormente fixeron esta ronda de preguntas e respostas, compartindo impresións sobre a lectura, resaltando a temática de xénero que presenta. 

Como xa vos avanzamos no noso instagram, está dispoñible xa no canle de Xixirei nas Ondas! Tédelo dispoñible aquí. Esperamos que vos guste, e vémonos na próxima lectura! 

A nova mascota da Biblioteca do Xixirei!

Temos xa o logo oficial para a nosa biblioteca! O alumnado propuxo, votou e decidiu que Coco, o gatiño que nos visita a miúdo no centro, sexa a mascota da biblioteca. A partir do debuxo gañador, creamos o logo e selo da Biblioteca do Xixirei. Esperamos que vos guste! 

 

Descubrimos e xogamos

Seguimos a desfrutar da nosa Biblioteca, dende descubrir contos novos ata xogar con Lego e crear mundos propios. Próximamente darémoslle vida nova a este blog, e seguiremos subindo novidades e actividades! 

#bibliotecadoxixirei #escolaactivaeinxlusiva 

Contos en LSE

 Hoxe tivemos a sorte de que a profe Cristina fixese sesión de contacontos en lingua de signos (LSE, Lingua de Signos Española) na biblioteca. Ensinou contos inclusivos (con pictogramas, de lectura fácil... ) e explicou o que é a LSE e as posibilidades que ten.  

Seguiremos facendo lecturas todo o mes de decembro, para todas as idades! 

Ademais, teredes dispoñibles na biblioteca libros adaptados á lectura fácil. 

Día internacional dos dereitos das persoas con discapacidade

O día 3 de decembro lembramos o día Internacional dos dereitos das persoas con discapacidade. Na porta da Biblioteca fixemos unha selección de contos sobre inclusión e diversidade funcional. Moitos destes contos pertencen á Maleta Viaxeira, que teremos con nós durante unhas semanas. 

Anímaste a descubrir?