MOCHILAS VIAXEIRAS 2018-2019

Hoxe as alumnas e alumnos colaboradores da Biblioteca prepararon e repartiron as mochilas viaxeiras por todas as aulas do colexio. Esperamos que vos gusten!

A GALIÑA AZUL

Este martes as alumnas e os alumnos de 1º e 2º de Educación Primaria foron ao Auditorio Abanca de Santiago a ver a representación de "A Galiña Azul", unha obra de teatro de títeres baseada no libro do mesmo título de Carlos Casares, posta en escena polo grupo Tanxarina. Esta obra foi gañadora do Premio María Casares a Mellor Espectáculo Infantil 2018 e Premio FETEN a Mellor espectáculo de títeres 2018. A representación gustoulles moito ás nosas rapazas e aos nosos rapaces.

TEATRO EN EDUCACIÓN INFANTIL

O mércores pasado algúns familiares de alumnas e alumnos de Educación Infantil representaron para este alumnado a obra "A min non me comas".

Itinerarios lectores 2018/2019

Plan anual de lectura 2018-2019

Viaxe a Mozambique

O xoves pasado, como actividade remate do noso proxecto de Biblioteca sobre África, levado a cabo durante o curso pasado, a profe Lorena contounos como fora a súa viaxe a Mozambique, que fixo durante o verán. Tamén ensinounos fotos de diferentes lugares nos que estivo, como as que mostran a súa visita á escola Lifidzi, as que mostran como visten moitas mulleres, coas súas capulanas, como son os mercados, o safari polo parque Gorongosa, e moitas experiencias máis. Foi moi interesante! Gracias, Lorena!

Comezamos un novo curso!!

Ola a todas e a todos! Comezamos este novo curso con moitas ganas de aprender e facer moitas cousas! Como sabecdes, desde hai uns cursos o noso colexio participa no PlanB de Mellora das Bibliotecas Escolares, promovido pola Consellería de Cultura, Educación e Ordenación Universitaria.

Neste curso, o noso proxecto de Biblioteca leva por título "ELAS: rompendo moldes", co que imos descubrir o papel moitas veces descoñecido e esquecido que teñen as mulleres en todos os eidos. Como exemplo, podedes coñecer a esta sobresaliente muller matemática galega. Premede na foto e máis no seu nome para ver algunha información sobre ela. 

                                                            María Wonenburger